फिल्मको टिकट दर १० , १२ र १५ (भिआईपी ) युरो तोकिएको छ र बुकिङ्ग www.brightnepal.com बाट गर्न सकिन्छ । फिल्म र टिकट बारे थप जानकारीका लागि ९२०२१७४८६ मा सम्पर्क गर्न सकिनेछ।
डार्क हर्स इन्टरटेनमेन्ट र सेभेन सिज इन्टरटेनमेन्टको प्रस्तुति रहेको फिल्ममा सौगात मल्ल, नाजिर हुसेन बाहेक , मलिका महत, प्रमोद अग्रहरी, विजय बराल, रवीन्द्र झा, बेन बस्नेत, शिशिर वाङ्गदेल, सिम्रन खड्का, प्रकाश दाहाल, गजेन्द्र त्रिपाठी लगायतको अभिनय छ । चलचित्रका मुख्य नायकद्धय सौगात मल्ल र नाजिर हुसेनको गेटअप सार्वजनिक भएपछि फिल्मको चर्चा चुलिएको थियो ।
नेपालबाट भारतमा बेचिने नेपाली महिलाको कथावस्तुमा निर्माण भएको चलचित्रले नेपाली बक्स अफिसमा राम्रै चर्चा कमाइरहेको छ । नेपालमा उत्कृष्ट प्रतिकृया बटुल्न सफल फिल्म ‘अगस्त्य’ हेर्न काठमाण्डौका मेयर वालेन आफ्नी धर्मपत्नी सहित हल सम्म पुगेका थिए । मेयर वालेनले पनि फिल्म ‘अगस्त्य’ निक्कै राम्रो रहेको भन्दै पटकथा तथा कलाकारहरुको अभिनय उत्कृष्ट भन्दै प्रशंसा गरेका थिए ।
अगस्त्य पछी रामबाबु गुरुङ निर्देशित फिल्म ‘डिग्री माइला : एमए थर्ड क्लास’ पनि यही अप्रिल १५ तारिख तारिख, बिहान ११ बजे प्रदर्शनमा आउँदै छ, कमेडी जनरामा निर्माण हुने सिनेमाले शैक्षिक बेरोजगारीले युवाहरुमा ल्याएको चरम निराशामा आधारित हुनेछ । नाटकले पनि यही विषय उठाएको थियो। रामबाबुले निर्माण गरेको सिनेमा ‘कबड्डी सिरिज र ‘जारी’लाई दर्शनले धेरै मन पराएका थिए ।
